U bir paytlar Olmazor va Shayxontohur tumanlariga rahbarlik qilgan va har ikki tumanga rahbarlik qilgani uchun prezident tomonidan tanqid qilingan edi.
Bahodir Rixsialiyevich G‘oyibnazarov Toshkent shahrining Mirzo Ulug‘bek tumaniga hokim etib tayinlandi.
Bahodir G‘oyibnazarov 1970-yilda Toshkent viloyatida tug‘ilgan.
1997-yilda Toshkent davlat qishloq xo‘jaligi universitetini iqtisodchi-tashkilotchi, 2005-yilda O‘zbekiston Milliy universitetining huquqshunoslik fakultetini tamomlagan.
Ma’lumot uchun, Bahodir G‘oyibnazarov 2017-yilning aprel oyida prezident tanqididan so‘ng Olmazor tumani hokimi lavozimidan ozod etilgan, biroq o‘sha yil oxirida, 2017-yil dekabr oyida Shayxontohur tumani hokimi lavozimida ish boshlagan edi.
2018-yil avgust oyida prezident o‘z rahbarligidagi Shayxontohur tumanidagi vaziyatni qattiq tanqid qilgan va yana hokimlikdan ketgan edi.
2021 yildan hozirgacha Toshkent shahar hokimligi Tashkilot – kadrlar bo‘limi boshlig‘i lavozimida ishlab kelgan.
Shavkatbek Irgashev 2018-yilning aprel oyidan buyon Mirzo Ulug‘bek tumaniga rahbarlik qilgan, 2005-2013-yillarda tuman rahbari, 2013-2018-yillarda Uchtepa tumani hokimi lavozimlarida ishlagan. Uning iste'foga chiqish sababi noma'lum.