Pol Pogba faoliyatini “Yuventus”da qayta boshlashga umid qilmoqda.
31 yoshli yarim himoyachining diskvalifikasiyasi mart oyida tugaydi. Yaqinda bergan intervyusida fransiyalik futbolchi “Yuventus”da o‘ynashni davom ettirish uchun puldan voz kechishga tayyorligini tan oldi. Yarim himoyachi, shuningdek, dunyo tez orada “yangi Pogba”ni ko‘rishini aytdi.
Ko‘rinishidan, “keksa senyora” boshliqlari futbolchining nutqidan ta’sirlanmadi: turinliklar hali ham Pogba bilan shartnomani bekor qilish niyatida, deb xabar beradi jurnalist Jovanni Albaneze. Bundan tashqari, futbolchining jurnalistlar bilan to‘satdan suhbatlashish qarori “Yuventus” tomonidan salbiy qabul qilindi – klub Pol bilan hamkorlikni to‘xtatishga qaror qabul qilib bo‘lgan.