“Atletiko Madrid”ning faol muxlislari bo‘lajak safar o‘yinlariga kela olmaydi.
Madrid klubi keyingi beshta safar o‘yini – La Ligada “Real Betis” va “Malyorka”, Ispaniya Kubogida “Vik” hamda Chempionlar Ligasida “PSJ” va “Sparta”ga qarshi o‘yin uchun muxlislar sektoridagi abonement egalariga chipta sotmasligini ma’lum qildi. “Atletiko” o‘z qarorini so‘nggi o‘yinlarda muxlislarning xatti-harakati uchun klubga nisbatan sanksiyalar bilan izohladi.
Eslatib o‘tamiz, 29-sentyabr kuni “Real” bilan bo‘lib o‘tgan derbi natijalariga ko‘ra, klub 3 ta uy uchrashuvi uchun tribunani qisman yopish bilan jazolangan edi.