Sog‘liqni saqlash vazirligining buyrug‘i bilan Nishanov Daniyar Anarbayevich Respublika patologiya markazi direktori etib tayinlandi.
D.Nishonov 1995-yilda Toshkent bolalar tibbiyoti akademiyasini, 2003-yilda ikkinchi Toshkent davlat tibbiyot akademiyasini anatomik patologiya mutaxassisligi bo‘yicha tamomlagan.
Mehnat faoliyatini Toshkent pediatriya tibbiyot institutida laborant sifatida boshlagan, so‘ngra Respublika ixtisoslashtirilgan onkologiya markazi vrach-gistolog, kafedra mudiri, morfologiya bo‘limi ilmiy mudiri lavozimlarida ishlagan.
Tibbiyot fanlari doktori, professor D.Nishonov ushbu lavozimga tayinlangunga qadar Respublika ixtisoslashtirilgan onkologiya va tibbiy radiologiya markazi bosh shifokori lavozimida ishlab kelmoqda.