Braziliyaning “Korintians” klubi moliyaviy muammolar tufayli niderlandiyalik hujumchi Memfis Depay bilan shartnomani muddatidan oldin bekor qilish haqida o‘ylamoqda. Bu haqda Mundo Deportivo xabar bermoqda.
Manbaga ko‘ra, 30 yoshli futbolchining maoshini asosan klubning bosh homiysi Esportes da Sorte to‘laydi. Biroq, kompaniya Braziliya hukumati tomonidan “jinoiy faoliyat” bo‘yicha tergov olib borilayotgani sababli qulash arafasida.
Depay 2024 yilning yozida “Atletiko Madrid” bilan shartnomasi tugaganidan keyin “Korintians”ga o‘tgan edi. Uning Braziliya klubi bilan shartnomasi 2026 yil oxirigacha amal qiladi.