O‘zbekiston Respublikasi energetika vaziri Jo‘rabek Mirzamahmudov boshchiligidagi delegatsiya Moskva shahrida bo‘lib o‘tgan Rossiya energetika haftaligi tadbirlarida ishtirok etdi.
Muhokama chog‘ida u tomonlar o‘rtasidagi hamkorlik istiqbollari haqida gapirdi. Xususan, O‘zbekistonda yoqilg‘i-energetika sohasida amalga oshirilayotgan islohotlarga e’tibor qaratilmoqda.
Energetika vaziri J.Mirzamahmudov va Rossiya Federatsiyasi hukumati raisi o‘rinbosari A.Novak o‘rtasida bo‘lib o‘tgan uchrashuv joriy haftaning muhim voqealaridan biridir.
Unda tomonlar O‘zbekiston va Rossiya o‘zaro manfaatli hamkorlikni mustahkamlab borayotganini ta’kidladilar. Bunday munosabatlarda yoqilg‘i-energetika sohasidagi loyihalar muhim o‘rin tutadi.
Vazirlik xabariga koʻra, muloqot chogʻida mazkur qoʻshma loyihalarni amalga oshirishning bugungi holati, kelgusida amalga oshiriladigan ishlar va energiya taʼminoti sohasidagi hamkorlik masalalariga eʼtibor qaratildi.