Isroil rasmiylari Livan Hizbullohi yetakchisi Hasan Nasrulloh qayerdaligi haqida uning Bayrut chekkasidagi qarorgohiga havo hujumidan bir necha oy oldin bilar edi. Bu haqda Isroil manbalariga tayanib, The New York Times nashri yozdi.
“Isroil rahbarlari Hasan Nasrulloning qayerdaligini bir necha oydan beri bilishgan va o‘tgan haftada unga hujum qilishga qaror qilishgan”, deb yozadi gazeta.
Ma’lumki, Isroil rasmiylari “Hizbulloh” yetakchisi yaqinda xavfsizlik nuqtai nazaridan o‘z qarorgohini o‘zgartirishi mumkinligiga ishongani uchun shunday qarorga kelgan.
Hizbulloh Hasan Nasrullohning o‘limini tasdiqladi
Ommaviy axborot vositalari, shuningdek, Isroil Bosh vaziri Benyamin Netanyaxuning Birlashgan Millatlar Tashkiloti Bosh Assambleyasida ishtirok etish uchun Nyu-Yorkka tashrifi qisman “Hizbulloh” yetakchisi Hasan Nasrullohning o‘zini xavfsiz ekanligiga ishontirish uchun “chalg‘itish” bo‘lganini yozgan.
28-sentabr, shanba kuni “Hizbulloh” yetakchisi Hasan Nasrulloh Isroil harbiy-havo kuchlari qiruvchi samolyoti tashkilotning yerosti qarorgohiga uyushtirgan havo hujumi natijasida halok bo‘lgani ma’lum bo‘ldi.