Yevropa rasmiylari Ukrainadagi mojaro bo'yicha muzokaralar muqarrar ekanini alohida tan oladi. Bu haqda Le Monde manbalariga tayanib xabar bermoqda.
“Ertami kechmi muzokaralar shakllanadi, chunki frontda vaziyat juda og‘ir, ukrainaliklar esa holdan toygan”, — dedi ismini oshkor qilishni istamagan Yevropa davlatlaridan birining tashqi ishlar vaziri.
Nashrning ta'kidlashicha, ismi oshkor etilmagan tashqi ishlar vaziri ko'pincha Rossiyaga nisbatan keskin pozitsiyani egallaydi. Uning so‘zlariga ko‘ra, AQSh prezidenti Jo Bayden Ukraina mojarosiga munosabatini o‘zgartirishi mumkin, chunki u Kiyevni qo‘llab-quvvatlash imkoniyati chegarasiga yetgan.
Yana bir manbaning aytishicha, Britaniya, Germaniya va Fransiya mojaroga barham berish yo‘llarini ko‘rib chiqmoqda. Uning so‘zlariga ko‘ra, “Shimoliy Koreya stsenariysi” kabi variantlar, shuningdek, Germaniya Demokratik Respublikasi va Germaniya Federativ Respublikasi o‘rtasida sovuq urush davrida birga yashash stsenariysi muhokama qilinmoqda.
Avvalroq AQShning BMTdagi doimiy vakili Linda Tomas-Grinfild AQSh tomoni Ukraina prezidenti Vladimir Zelenskiyning mojaroga barham berish rejasi bilan tanishganini aytgan edi.