Ispaniya La Ligasining 6-turida “Barselona” 22 sentyabr, yakshanba kuni “Vilyarreal”ga qarshi bahs olib bordi.
Uchrashuvning 20-daqiqasida Robert Levandovski hisobni ochdi. 35-daqiqada polshalik hujumchi dublni rasmiylashtirdi. Oradan 3 daqiqa o‘tib, “Vilyarreal” futbolchisi Peres hisobni qisqartirdi. Birinchi bo‘lim 2:1 hisobi bilan yakunlandi.
Ikkinchi bo‘limda ham kataloniyaliklar hujumkor o‘yin namoyish etib, 58-daqiqada Pablo Torrening goli evaziga ustunlikni mustahkamladi. 74-daqiqada esa Rafinya ham o‘z nomini tabloga yozdirib qo‘ydi. 83-daqiqada esa braziliyalik futbolchi ham ikkinchi goliga mualliflik qildi.
Qolgan daqiqalarda gol urilmadi va “ko‘k-anorranglilar” yirik g‘alabani rasmiylashtirdi.
La Liga, 5-tur
22 sentyabr, yakshanba
“Vilyarreal” – “Barselona” 1:5
Gollar: 0:1 – 20 Levandovski, 0:2 – 35 Levandovski, 1:2 – 38 Ayose Peres, 1:3 – 58 Torre, 1:4 – 74 Rafinya, 1:5 – 83 Rafinya.
“Vilyarreal”: Konde, Kardona, Kosta, Bayi, Femeniya, Aleks Baena (Axomash, 78), Parexo (Guye, 70), Komesanya (Terras, 78), Pino (Barri, 63), Ayose Peres, Pepe (Denis Suares, 78).
«Barselona»: ter Shtegen (Penya, 45+3), Martin, Martines (Fort, 81), Dominges (Kubarsi, 59), Kunde, Erik Garsiya, Pedri (Kasado, 59), Torre (Viktor, 59), Rafinya, Levandovski , Yamal.
Ogohlantirishlar: Parexo (2), Aleks Baena (52), Bayi (66), Viktor (82), Ayose Peres (85).