Butunjahon boks assotsiatsiyasi (WBA) avgust oyi oxirida o‘zbekistonlik 8 nafar bokschi ishtirok etgan yangilangan reytingini e’lon qildi.
Ular orasidan Olimpiada o‘yinlarining amaldagi chempioni Hasanboy Do‘smatov minimal vazn toifasida birinchi, Murodjon Ahmadaliyev birinchi engil vazn toifasida, Shahram G‘iyosov yarim o‘rta vazn toifasida birinchi o‘rinni egalladi. Supero‘rta vazn toifasida ishtirok etayotgan bokschi Isroil Madrimov uchinchi o‘rinni egalladi.
Bundan tashqari, yarim og‘ir vazn toifasida ringga chiqqan Otabek Xolmatov 5-o‘rinni, Bektemir Meliqo‘ziyev esa super o‘rta vazn toifasida 6-o‘rinni egalladi.
Muhammad Shexov o‘zining birinchi yarim o‘rta vazn toifasida kuchli o‘ntalikka kirgan bo‘lsa, super yengil vazn toifasida Botir Ahmedov WBA reytingida 13-o‘rinni egalladi.