O‘zbekiston va Qirg‘iziston chegarasida etnik qirg‘inlardan so‘ng 14 yil ichida birinchi marta transport harakati tiklandi. Bu haqda Turmush nashri xabar berdi.
12-sentabr kuni “Qora-Suv” nazorat-o‘tkazish punktining ochilishi chegarani kesib o‘tishda ikki tomondan katta navbatlar paydo bo‘lishiga sabab bo‘lgan edi.
Hududdagi transport harakati 2010 yilda aholi oʻrtasidagi etnik nizolar, fuqarolik infratuzilmasining vayron boʻlishi bilan birga yopilgan edi.
Qirg‘iziston hukumati vakili Bakit Toroboyevning so‘zlariga ko‘ra, nazorat-o‘tkazish punktining ochilishi avvallari ziddiyatli bo‘lgan xalqlar o‘rtasidagi munosabatlarni mustahkamlaydi.
Ikki davlat chegarasidagi o‘zbek va qirg‘iz jamoalari o‘rtasidagi nizolar 2010-yil iyun oyida Qirg‘iziston prezidenti Qurmanbek Bakiyev hokimiyatdan ag‘darilganidan keyin boshlangan. Hokimiyat bo'shlig'i millatlararo nizolarni keltirib chiqardi va bu deyarli urushga aylanib ketdi.