Kreml Rossiya prezidenti Vladimir Putin nomidan AQShdagi ichki siyosiy kurashda vosita sifatida foydalanilayotganidan noroziligini bildirdi. Bu haqda Rossiya prezidenti matbuot kotibi Dmitriy Peskov ma'lum qildi.
Kreml vakili AQSh prezidentligiga nomzodlar Kamala Xarris va Donald Tramp o‘rtasidagi debatga izoh berdi.
“Aytish mumkinki, Putin nomidan AQShning ichki siyosiy kurashida qurollardan biri sifatida foydalanilmoqda, bu bizga juda yoqmaydi”, dedi u.
Peskov, shuningdek, vaqt zonasi farqi tufayli Kreml real vaqt rejimida muhokamani kuzata olmaganini, biroq ular aytilgan bayonotlar bilan tanish ekanini taʼkidladi.