“Real” Ibraima Konatening 2026 yilda Madridga ko‘chib o‘tishiga ishonmoqda.
Daily Mail nashrining yozishicha, ispan klubining transferga bo‘lgan ishonchi ortib bormoqda. Bu ma’lumotni gazetaga 2024 yil dekabr oyida Trent Aleksandr-Arnoldning “Real”ga deyarli muqarrar transferi haqida gapirgan manbalar ma’lum qildi.
Shu bilan birga, himoyachi “Liverpul”ga shartnomasi tugaganidan keyin klubni tark etish niyati haqida hali xabar bermagan. Fransuz o‘zining kelajagi to‘g‘risida hali uzil-kesil bir qarorga kelmagan edi.