Madridning “Real” klubi va Ispaniya terma jamoasi markaziy himoyachisi Din Xyoysen Niderlandiya terma jamoasiga qarshi o‘yinda hushtakbozlikka uchraganini esladi.
Jamoalar mart oyida Millatlar ligasining chorak finalida to‘qnash kelishdi. Ikki o‘yindan iborat qarama-qarshilik durang bilan yakunlandi, penaltilar seriyasida esa “qizil furiya” aniqroq bo‘ldi.
Xyoysen asli niderlandiyalik bo‘lib, Amsterdamda tug‘ilgan va bolaligida oilasi bilan Ispaniyaga ko‘chib o‘tgan. Futbolchi Ispaniya terma jamoasida o‘ynashni afzal ko‘rdi, shuning uchun u niderlandiyalik muxlislar tomonidan hushtakbozlikka uchradi.
“Menga muxlislarning hushtakbozligi hech qanday ta’sir qilmadi. Qolaversa, buni ijobiy holat deb ham hisoblayman. Agar odamlar xafa bo‘lishsa va hushtak chalishsa, ularga baribir emas,” – deya 20 yoshli markaziy himoyachining so‘zlarini keltiradi Marca.