«Barselona» bosh murabbiyi Xans-Diter Flik Ispaniya La Ligasining 2-turidan o‘rin olgan «Levante» (3:2)ga qarshi bahsda nega hujumchi Markus Rashfordni bo‘limlar oralig‘ida maydondan olganini tushuntirdi. Angliyalik futbolchi o‘yinni asosiy tarkibda boshlagan, ammo ikkinchi bo‘limni uning o‘rniga ispaniyalik Daniel Olmo boshladi.
«Markus birinchi bo‘limda bir nechta vaziyatda faol ishtirok etdi va jamoaga yordam bera olishini ko‘rsatdi. Ammo ikkinchi bo‘limda bizga taktik o‘zgarishlar kiritishga to‘g‘ri keldi, qanotga Rafinyani tushirdik. Bu zarur qaror edi. O‘ylaymanki, bu almashinuvlar to‘g‘ri bo‘ldi. Tanaffusdan keyingi birinchi gol o‘yinning yo‘nalishini o‘zgartirdi», — deya Flikning so‘zlarini Marca nashri keltirmoqda.
Eslatib o‘tamiz, tanaffusga jamoalar 2:0 hisobida «Levante» foydasiga chiqib ketishdi. Ammo oradan yetti daqiqa o‘tmasdan Pedri va Ferran Torres hisobni tenglashtirdi. O‘yinning oxirgi daqiqalarida, qo‘shimcha vaqtda, kataloniyaliklar g‘alabani ildi. «Barselona» ikki turdan keyin olti ochko jamg‘arib, turnir jadvalida peshqadamlik qilmoqda. «Levante» esa ochko ololmagan holda 18-pog‘onada joylashgan.