“Barselona” rahbariyati darvozabon Mark-Andre ter Shtegenning jarohati bo‘yicha La Liga tibbiyot mutaxassislaridan javob kutmoqda.
Mundo Deportivo xabariga ko‘ra, Ispaniya La Ligasi vakillari bugunning o‘zidayoq “Barselona”ga javob berishlari kerak. “Ko‘k-anorranglilar” Ispaniya chempionatining yangi mavsumiga yangi kelgan futbolchilarni ro‘yxatdan o‘tkaza olish-olmasligi shifokorlarning qaroriga bog‘liq bo‘ladi.
“Barselona” ilk rasmiy o‘yinini 16 avgust kuni o‘tkazadi. Xans-Diter Flik jamoasining La Liga startidagi raqibi “Malyorka” bo‘ladi. Qarama-qarshilik Toshkent vaqti bilan 22:30 da boshlanishi rejalashtirilgan.