Madridning “Atletiko” klubi yarim himoyachi Saul Niges bilan hamkorlikni yakunlaganini rasman e’lon qildi. 30 yoshli futbolchi bilan shartnoma tomonlarning o‘zaro kelishuviga ko‘ra bekor qilingan.
Saul “Atletiko” tizimiga 2008 yilda qo‘shilgan va so‘nggi o‘n yilliklarda “matraschilar”ning eng taniqli o‘yinchilaridan biriga aylangan. U asosiy tarkibda 427 ta o‘yin o‘tkazib, 48 ta gol urdi – bu klub tarixidagi o‘yinlar sonidagi to‘qqizinchi natijadir.
“Atletiko” tarkibida Niges ajoyib muvaffaqiyatlarga erishdi: u La Liga chempioni bo‘ldi, Ispaniya kubogi va Superkubogini qo‘lga kiritdi, ikki marta Yevropa Ligasi kubogini ko‘tardi va o‘z kolleksiyasiga UYEFA Superkubogini qo‘shdi.