SSKA futbolchisi Abbosbek Fayzullayev Rossiya Superkubogidagi g‘alaba haqida fikr bildirdi. “Qizil-ko‘klar” “Krasnodar”ni 1:0 hisobida mag‘lub etib, o‘z tarixida 8-marta sovrinni qo‘lga kiritdi.
Fayzullayev o‘zi uchun jamoa tarkibidagi ikkinchi sovrin muhimmi yoki terma jamoasining 2026 yilgi jahon chempionatiga chiqishimi, degan savolga javob berishga qiynaldi.
“Jahon chempionatiga chiqish – tarixiy voqea. Ammo SSKA bilan 2 ta sovrin ham men uchun juda muhim. Men buni taqqoslamagan bo‘lardim, har bir voqeaning o‘z qadri bor,” – deya Fayzullayevning so‘zlarini keltiradi “Chempionat.”