Xitoy Xalq Respublikasiga qarshi safarda ikkita o‘rtoqlik uchrashuvini o‘tkazib qaytgan O‘zbekiston milliy terma jamoasi uch kunlik dam olishdan so‘ng, ertaga navbatdagi o‘quv-mashg‘ulot yig‘inini boshlaydi. Mazkur yig‘in 16 aprel sanasiga qadar davom etadi.
Yig‘in davomida Nodir Eliboyev shogirdlari poytaxtimizda qo‘shni mamlakat – Tojikiston Respublikasi milliy terma jamoasiga qarshi o‘rtoqlik uchrashuvida maydonga tushishi rejalashtirilgan. Nazorat o‘yinlari 13 va 15 aprel kunlari bo‘lib o‘tadi.
Eslatib o‘tamiz, har ikki bahs Toshkent axborot texnologiyalari universiteti sport zalida bo‘lib o‘tadi. 13 aprel sanasidagi bahs 16:00da start olsa, 15 aprelga belgilanlan o‘yin 17:00da boshlanadi.
Bu galgi yig‘inga quyidagi futzalchilar chaqirilgan:
Darvozabonlar – Abbos O‘lmasbekov (BMB), Abbos Elmurodov (BMB), Shavkat Ibragimov («Dinamo»);
Himoyachilar – Ilhomjon Hamroyev (“Oil Star”), Mashrab Odilov (BMB), Shahzod Sa’diyev (BMB);
Qanot hujumchilari – Akbar Usmonov (SQB), Mehroj Yunusov (“Oil Star”), Behruz Samiyev (“Oil Star”), Eldor Nig‘matov («Lokomotiv»), Doniyor Saidahmedov (SQB), Orzujon Asqarov (“Oil Star”), Shahram Faxriddinov (OKMK), Husniddin Nishonov («Viten», Belorus);
Hujumchilar: Davlat Ibragimov (BMB), Artur Umurov (“Oil Star”), Muzaffar Ahadjonov (BMB).
