Yeni Shafak gazetasining xabar berishicha, Turkiyaning Konya shahrida 4 qavatli turar joy binosi qulab tushgan.
Ma’lumki, hodisa Selchuqlu tumani markazida 24 yanvar kuni kechqurun sodir bo‘lgan. Hozirda qutqaruv kuchlari vayronalar ostidan odamlarni olib chiqishga harakat qilmoqda. Hozirda qurbonlar haqida ma’lumot yo‘q, biroq qulagan uy ostida kamida besh kishi qolgani taxmin qilinmoqda, ulardan ikki nafari qutqarib olingan. Binoning qulashi sabablari hali aniqlanmagan.
Koniya hokimi Ug‘ur Ibrohim Oltoy o‘zining X sahifasida rasmiylar vaziyatdan xabardor ekanini yozdi. Uning so‘zlariga ko‘ra, bino eski. Voqea joyiga qutqaruvchilar jo‘natildi.
Ijtimoiy tarmoqlarda tarqalayotgan videolardan ko‘rish mumkinki, ikkinchi qavatdagi ba’zi xonadonlarning chirog‘i qulash vaqtida hamon yonib turgan. Guvohlar avvaliga to‘qnashuv ovozini eshitgan, keyin bino qog‘oz uydek qulab tushgan.
Eslatib o‘tamiz, 2019-yil iyun oyida Istanbulda to‘rt qavatli turar joy binosi qulab tushgan edi.