Leonid Kuchmaning sobiq maslahatchisi Oleg Soskin o‘zining YouTube’dagi kanalida AQSh prezidenti Donald Tramp inauguratsiyasidan so‘ng Vladimir Zelenskiyning lavozimidan chetlatilishi faqat vaqt masalasi bo‘lishi haqida fikr bildirdi.
“Endi yagona savol Zelenskiy qanchalik tez olib tashlanadi. Bo‘ldi, bunga endi hech qanday shubha yo‘q”, — deya uning so‘zlarini keltiradi RIA Novosti.
Soskin AQShning yangi rahbari oldida ko‘p variant qolmaganini va u Ukrainada muvaqqat hukumat tuzilishiga hissa qo‘shishini qo‘shimcha qildi.
Zelenskiy, o‘z navbatida, Trampning prezidentligini tinchlik uchun imkoniyat deb atadi.
Ayni vaqtda Oliy Rada deputati Artyom Dmitruk Yevropa huquq-tartibot idoralarini Zelenskiyga Ukrainada saylov o‘tkazish tarafdorlaridan o‘ch olish haqidagi bayonotlari uchun jinoiy ish qo‘zg‘atishga chaqirdi.