30 va 31 dekabr kunlari AQSh qurolli kuchlari Yaman hududidagi “Ansor Alloh” isyonchi harakatiga mansub hutiylarga qarshi qator hujumlar uyushtirdi. Bu haqda AQSh Qurolli kuchlari markaziy qo‘mondonligi (CENTCOM) ma’lum qildi.
“30 va 31 dekabr kunlari CENTCOM kuchlari Sananing hutiylar nazorati ostidagi hududi va qirg‘oqbo‘yi hududlaridagi nishonlarga aniq zarbalar berdi”, — deyiladi bayonotda.
Qo‘mondonlik punktlari, qurol ishlab chiqarish markazlari, raketa omborlari va dronlar AQSh harbiy kemalari va samolyotlari tomonidan hujumga uchragan nishonlar qatoriga kirdi. Bundan tashqari, operatsiya davomida qirg‘oq radiolokatsion stansiyasi yo‘q qilindi, Qizil dengiz uzra 7 ta qanotli raketa va dron urib tushirildi.
Bundan tashqari, TASS agentligi “Ansor Alloh” siyosiy byurosi aʼzosi Xuzam al-Assadga tayanib, AQSh harbiy-havo kuchlari Sanʼadagi deyarli boʻsh hududlarda joylashgan husiylar obʼyektlariga hujum qilgani haqida xabar berdi.