Checheniston Respublikasi rahbari Ramzan Qodirov faxriy jurnalist sifatida tan olindi. Bu haqda siyosatchi o‘zining Telegram-kanalida ma’lum qildi.
17-dekabr kuni Grozniyda Axmat Xoji Qodirov xotirasiga bag‘ishlangan “Oltin qalam” xalqaro jurnalistika mukofoti topshirildi. Tadbir doirasida Checheniston rahbariga “Ommaviy axborot vositalari industriyasini rivojlantirish uchun zarur shart-sharoitlar yaratgani uchun” va “jahon miqyosida jurnalistlar hamjamiyatini qo‘llab-quvvatlagani uchun” diplom topshirildi.
Bundan tashqari, Qodirov taniqli jurnalistlarga ham mukofotlar topshirdi. Shunday qilib, Butunrossiya davlat teleradiokompaniyasining harbiy muxbiri Aleksandr Sladkov Gran-pri mukofotini qo'lga kiritdi. Checheniston rahbari, shuningdek, harbiy muxbir va Donetsk davlat televideniyesi direktori Andrey Rudenkoga “Checheniston Respublikasida xizmat ko‘rsatgan jurnalist” faxriy unvonini berdi.