Turkiyaning maqsadi Bashar al-Assadni ag'darish emas, Anqara Suriyani terrorizmsiz barqaror davlat sifatida ko'rmoqchi. Bu haqda Turkiya tashqi ishlar vaziri Xoqon Fidan NTV telekanaliga bergan intervyusida aytib o‘tdi.
“Turkiya xavflarni ko'rdi. Bizning maqsadimiz Bashar al-Assadni ag‘darish emas, bizning maqsadimiz barqaror Suriya, baxtli Suriya xalqi, terrorizmdan xoli Suriyani ko‘rishdir”, — deya aniqlik kiritdi u.
Uning so‘zlariga ko‘ra, turk tomoni “vaziyat haqiqatan ham yomon ekanini” tushungan, shuning uchun Turkiya prezidenti Rajab Toyyib Erdo‘g‘on “yordam qo‘lini cho‘zgan”.
Avvalroq janob Hakan Fidan Turkiya delegatsiyasi elchixona ishini boshlash uchun 13 dekabr kuni Damashqqa kelganini aytgan edi. Unga ko‘ra, Turkiyaning Suriyadagi elchixonasi 14-dekabr, shanba kunidan ish boshlashi mumkin.
Avvalgi kuni AQSh Davlat kotibi Entoni Blinken Vashington va Anqara Suriya kelajagi boʻyicha “keng” kelishuvga erishganini aytdi. Uning soʻzlariga koʻra, Turkiya va Qoʻshma Shtatlar “Suriya xalqini (Suriyaning sobiq prezidenti) Bashar al-Assad kishanlaridan ozod qilishga” eʼtibor qaratgan.