27-noyabr kuni isyonchilar Halab viloyati g‘arbida Bashar al-Assad hukumat kuchlariga qarshi keng ko‘lamli hujum uyushtirdi.
Suriya prezidenti Bashar Asad kuchlariga qarshi kurashayotgan bir guruh jangarilar mamlakatning eng yirik shahri Halabga kirganliklarini ma’lum qildi. Bu haqida CNN qo‘zg‘olonchilarning guvohligiga tayanib yozgan. Ushbu ma'lumotni mustaqil manbalar orqali tasdiqlash mumkin emas.
“Bizning kuchlarimiz Halab shahriga kirishni boshladi”, — deya yangi tashkil etilgan isyonchilar alyansining Harbiy operatsiyalar qo‘mondonligi bayonotidan iqtibos keltirgan telekanal.
Qarorgohi Buyuk Britaniyada joylashgan Suriya Inson huquqlari observatoriyasi ham isyonchilar Halabga kirganini xabar qildi. Shahardagi guvohlarning AP agentligiga aytishicha, odamlar raketa hujumlari va o‘qqa tutilgani uchun shaharning g‘arbiy chekkalaridan qochib ketishgan.
29-noyabr kuni ertalab Turkiyaning davlatga qarashli Anadolu agentligi isyonchilar Halab chekkasiga 1 km masofada yaqinlashganini ma’lum qildi. Ikki kun ichida qurolli guruhlar Halab va Idlib viloyatlarida 56 ta aholi punktini nazorat ostiga olib, Asad kuchlarining og‘ir qurollari, omborlari va texnikasini qo‘lga kiritdi.
29 noyabr kuni eʼlon qilingan bayonotda hukumat kuchlari Halab atrofidagi qishloqlarda isyonchilar bilan toʻqnash kelgani, dushmanning uchuvchisiz uchoqlari va ogʻir texnikasini yoʻq qilgani aytilgan. Shuningdek, ular jangarilarni muvaffaqiyatlari haqida yolg‘on ma’lumot tarqatishda aybladilar.
Suriyaning 3 milliondan ortiq aholisi bo‘lgan eng yirik shahri Aleppo 2011-yilda fuqarolar urushi boshlanganidan beri hukumat kuchlari va qurolli muxolifat o‘rtasidagi mojarolar markazida bo‘lib kelgan.
2016 yilda Suriya hukumat kuchlari va Rossiya Qurolli kuchlarining hujumi tufayli isyonchilar Halab chekkasiga surilgan edi. 2020 yilda ular Halabdan butunlay chiqarib yuborildi.
Suriya isyonchilari 27-noyabr kuni g‘arbiy Halab viloyatida Bashar Asad hukumati kuchlariga qarshi keng ko‘lamli hujum boshladi. Bu mintaqada so‘nggi to‘rt yil ichida birinchi yirik operatsiya bo‘lishi taxmin qilinmoqda.