Isroil tez orada, katta ehtimol bilan ikki hafta ichida G‘arbiy Sohilni anneksiya qilishga tayyorlanmoqda.
Bu haqda amerikalik jurnalist Seymur Xersh Substack platformasidagi blogidagi manbalarga tayanib xabar berdi.
«Shu haftada yaxshi xabardor Vashington rasmiysi menga Isroil rahbariyati G'arbiy Sohilni yaqin kelajakda – ehtimol ikki hafta ichida rasman qo'shib olishini aytdi», deb yozadi Xersh.
Jurnalistning so‘zlariga ko‘ra, Isroil “ikki davlat yechimi bo‘yicha barcha muzokaralarni butunlay to‘xtatadi va shubhali arab dunyosini G‘azoni qayta qurish rejasini moliyalashtirishni qayta ko‘rib chiqishga ishontiradi”.
Avvalroq Isroil bosh vaziri Binyamin Netanyaxu XAMAS hibsxonasidan ozod qilingan har bir garov uchun 5 million dollar to‘lashga va’da bergan edi.