Kanadaning Toronto shahrida ovoz yozish studiyasi oldida otishma yuz berdi va 20 dan ortiq kishi hibsga olindi. Bu haqda CTV News telekanaliga asoslanib, Rossiyaning Ria Novosti axborot agentligi xabar berdi.
Huquq-tartibot idoralari vakillarining so‘zlariga ko‘ra, uch kishi o‘g‘irlangan mashinani studiyaga olib borib, bino oldida to‘plangan odamlarga qarata o‘t ochgan va otishma boshlangan.
Bu telekanal: “Ovoz yozish studiyasi oldida kamida 100 marta o‘q uzganidan so‘ng, 23 kishi hibsga olindi”, deb xabar berdi..
Biroq otishmada hech kim jabrlanmagan.
Politsiya 16 ta qurolni musodara qildi. Qurollar studiya ichida, tomida va yaqin atrofdagi axlat qutisidan topilgan.
Politsiya otishma vaqtida studiyada kimdir bo‘lgan-bo‘lmagani haqida izoh berishdan bosh tortdi. Otishma sabablari aniqlanmoqda.
Voqea jinoiy guruhlar o‘rtasidagi mojaro natijasida sodir bo‘lgan bo‘lishi mumkin, uni politsiya tekshirmoqda.