“Real” Karlo Anchelottining Ispaniyadagi faoliyati davomida eng past natijalardan birini ko‘rsatmoqda.
Bugun madridliklar “Osasuna”ni 4:0 hisobida tor-mor qildilar. 12 ta o‘yindan so‘ng ularning 27 ochkosi bor.
Anchelotti “Real”ni oltinchi mavsumi boshqarmoqda (2015 va 2021 yillar orasidagi tanaffusni hisobga olgan holda). Jamoa 2021/22-yilgi mavsumda ham 12 turda 27 ochko to‘plagan edi, qolgan barcha mavsumlarda esa ochkolar soni bundan ko‘proq bo‘lgan.
“Real” La Ligada peshqadam bo‘lgan “Barselona”dan 6 ochko orqada qolmoqda.