Xorazm viloyatining Urganch tumanida kiyim-kechak do‘konlari yondi. Ijtimoiy tarmoqlarda vaziyat aks etgan video tarqaldi.
FVB matbuot xizmati xabariga ko‘ra, 7 noyabr kuni soat 12:53 da FVBga Urganch tumani, “Shermatlar” MFI, Gurlan ko‘chasida joylashgan kiyim-kechak do‘konida yong‘in sodir bo‘lgani haqida xabar berilgan.
Shunga ko‘ra, voqea joyiga 8 nafar o‘t o‘chiruvchi soat 12:59 da yetib kelgan, yong‘in soat 13:20da o‘rab olingan va soat 13:50da o‘chirilgan.
Ushbu hodisa natijasida hech kim jabrlanmagan va halok bo'lmagan. Hozirda yong‘in sabablari hamda moddiy zarar miqdori aniqlanmoqda.