Xitoy rahbari Si Szinpin Donald Trampga qo‘ng‘iroq qilib, uni AQSh prezidentligi saylovidagi g‘alabasi bilan tabrikladi. Bu haqda CNN manbalarga tayanib xabar berdi.
Xabar qilinishicha, Xitoy rahbarining Trampga qo‘ng‘irog‘i dunyo yetakchilarining Trampga rasmiy va norasmiy kanallar orqali yetib borishga urinishlari kontekstida yuz bergan.
Avvalroq AQShning amaldagi prezidenti Jo Bayden Donald Trampga qo‘ng‘iroq qilgan edi. Oq uy rahbari Respublikachilar partiyasini davlat rahbari saylovidagi g‘alabasi bilan tabrikladi. U, shuningdek, hokimiyatni topshirish masalasini muhokama qilish uchun Trampni o‘z qarorgohiga taklif qildi.
Avvalroq AQShning sobiq prezidenti Jorj Bush janob Trampni g‘alabasi bilan tabriklagan edi. “Prezident Trampni Qo‘shma Shtatlarning 47-prezidenti etib saylangani bilan, shuningdek, saylangan vitse-prezident J.D.Vens va ularning oila a’zolarini tabriklayman”, — dedi u.