O‘zbekiston Respublikasi Prezidenti Shavkat Mirziyoyev 6-noyabr kuni Bishkek shahrida bo‘lib o‘tayotgan Turk davlatlari tashkilotining sammiti doirasida Vengriya Bosh vaziri Viktor Orban bilan uchrashuv o‘tkazdi. Bu haqda davlat rahbari matbuot xizmati yozmoqda.
O‘zbekiston-Vengriya strategik sheriklik va ko‘p tomonlama hamkorlikni yanada rivojlantirishning dolzarb masalalari muhokama qilindi.
– Qo'shma hamkorlikning amaliy natijalari alohida mamnuniyat bilan qayd etildi. Savdo ko‘rsatkichlari va sanoat kooperatsiyasi ko‘lami ortib bormoqda, Toshkent viloyatida sanoat parkini tashkil etish ishlari davom etmoqda. Oktyabr oyida Qo'qon shahrida birinchi Hududlar forumi bo'lib o'tdi. Shu oyda Budapeshtda muhim qo‘shma madaniy tadbirlar o‘tkaziladi”, — deyiladi xabarda.
Davlat rahbarlari ikki tomonlama faoliyat rejalarini muhokama qildilar. Yetakchi kompaniyalarning iqtisodiy-savdo va sarmoyaviy hamkorligiga xizmat qiluvchi yangi loyihalar portfelini shakllantirish muhimligi ta’kidlandi.
Mintaqaviy kun tartibidagi dolzarb masalalar yuzasidan ham fikr almashildi.