TACC maʼlum qilishicha, Yevroparlament Yevropa Ittifoqidan Ukrainaga Rossiyaning muzlatilgan aktivlari hisobidan qaytariladigan 35 milliard yevro miqdoridagi kreditni maʼqullagan.
518 deputat bu qarorni yoqlab ovoz berdi, 56 nafari qarshi, 61 nafari esa betaraf qoldi.
Yevrokomissiya bayonotiga ko‘ra, kredit Kiyevga “Rossiya Markaziy bankining Yevropa Ittifoqi hududida joylashgan muzlatilgan aktivlaridan kelgusida olinadigan daromad” evaziga berilgan. Moliyalashtirish 2025-yil oxirigacha ajratiladi.
Roberta Metsola, Yevroparlament rahbari: “Ushbu ovoz berish orqali biz Rossiyaning muzlatib qo‘yilgan aktivlaridan tushgan mablag‘ni Ukrainaga yordam berish uchun ishlatayotganimiz va Rossiya tajovuzkor sifatida buning narxini to‘lashi va to‘lashi kerakligi haqida kuchli signal yubormoqdamiz. ”
Bu kredit G7 davlatlarining Ukrainaga 50 milliard dollargacha (taxminan 45 milliard yevro) moliyaviy yordam ko‘rsatish tashabbusining bir qismidir.
YeI tomonidan qarzga berilgan yakuniy miqdor G7 davlatlarining hissalariga qarab kamroq bo'lishi mumkin.